Vettvangsferð yngstu barna við Norðurgötu.

Gott er að nota tækifærið þegar styttir upp að fara á flakk um nærumhverfið og sjá hvað um er að vera í bænum. Á Síldarminjasafninu var verið að salta fyrir ferðamenn og slógumst við í hópinn og fylgdumst með, fengu börnin fræðslu um síldina, horfðu á vinnubrögðin, hlustuðu á síldarfólkið syngja. Meira að segja var nokkrum boðið upp í dans. Að lokum þökkuðu börnin fyrir sig með söng. Þau sungu Óðinn til gleðinnar og tvö íslensk kvæðalög - Yfir kaldan eyðisand og Vatnsdælingastemmu.