800 grunnskólanemendur í starfamessu

Starfamessa 2025

Í gær fóru nemendur í 9. og 10. bekk í starfamessu í Háskólanum á Akureyri. Fjölmörg fyrirtæki og stofnanir komu saman á einum stað til að kynna sig og störf sín fyrir elstu nemendum grunnskóla, háskólanemum og öðrum áhugasömum.

Þetta var í sjöunda sinn sem starfamessa er haldin af náms- og starfsráðgjöfum grunnskólanna á Akureyri í samstarfi við HA og SSNE. Markmið hennar var að kynna fjölbreytt störf og veita nemendum betri innsýn í framtíðarmöguleika sína.

Um 800 grunnskólanemendur sóttu viðburðinn og nýttu tækifærið til að kynna sér fjölbreytt fyrirtæki og störf.