Gjafir til skólans

Elías Þorvaldsson, fyrrverandi tónskólakennari, færði Grunnskóla Fjallabyggðar gjöf á dögunum. Um er að ræða frumsamið efni, lög og texta eftir hann sjálfan. Heftið ,,Sitt lítið af hverju” ásamt USB lykli með undirspili og söng. Grunnskólinn þakkar Elíasi fyrir þessa góðu gjöf sem mun nýtast vel í starfi skólans.

Kiwanisklúbburinn Skjöldur færði Grunnskóla Fjallabyggðar gjöf sl. haust. Um er að ræða  ClassVR-pakka en hann  inniheldur 8 VR/AR-gleraugu, harðgera geymslutösku, nemendavænt notendaviðmót og úrval fræðsluefnis í sýndarveruleika (VR) sem fellur vel að námskrá og vefgátt sem gerir kennurum kleift að stjórna og meðhöndla búnaðinn á auðveldan hátt. ClassVR er sýndarveruleikakerfi sem er sérhannað fyrir skólaumhverfi. Grunnskólinn þakkar Kiwanis fyrir þessa góðu gjöf sem mun nýtast vel í starfi skólans.