Nemendur 6.-10.bekkjar hlaupa Ólympíuhlaup ÍSÍ og safna áheitum fyrir Sigurbogann.

Miðvikudaginn 25. september munu nemendur 6.-10. bekkjar hlaupa Ólympíuhlaup ÍSÍ (hlaupið hét áður Norræna skólahlaupið).

Að þessu sinni hafa nemendur ákveðið að láta gott af sér leiða og safna áheitum fyrir Sigurbogann, styrktarfélag Sigurbjörns Boga Halldórssonar, 7 ára fjölfatlaðs drengs á Siglufirði.

Nemendur hlaupa 2,5 km hring og geta þau að hámarki hlaupið 4 hringi, þ.e. 10 km.
Upphæðin á hvern hring er 250 krónur eða að hámarki 1000 krónur á hvern styrktaraðila.

Með von um jákvæðar undirtektir!
Nemendur 6.-10. bekkjar Grunnskóla Fjallabyggðar