Fréttir

Í dag hófst skákkennsla fyrir alla bekki í Tjarnarstígnum. Það er Sr. Sigurður Ægisson sem hefur tekið að sér að segja börnunum til og voru nemendur mjög áhugasamir um skákina. Sr. Sigurður mun koma næstu 4 vikur og leiðbeina hverjum bekk í eina kennslustund. Hér má sjá myndir úr skákkennslunni. 

Þann 31. janúar fer hin árlega Söng- og hæfileikakeppni skólans fram í Tjarnarborg. Þar munu fjölmargir nemendur stíga á stokk og sýna hina ýmsu hæfileika sem þeir búa yfir. Líklegt er þó að söngurinn verði fyrirferðamestur. Undanfarin ár hefur verið húsfyllir í Tjarnarborg á þessum viðburði og gestir hafa skemmt sér sérlega vel.

Við skólann er starfandi skólaráð sem er samráðsvettvangur skólastjóra og skólasamfélags um skólahald. Skólaráð tekur þátt í stefnumörkun fyrir skólann og mótun sérkenna hans í samræmi við stefnu sveitarfélags um skólahald. Skólaráð fundar reglulega um málefni skólans og er hægt að nálgast fundagerðir skólaráðs hér eða undir linknum um skólann - skólaráð.

Nú er tilbúin ný aksturstafla sem gildir fram á sumar,  hægt er að nálgast hana linknum tímaáætlun skólabíls  vinstra megin á síðunni.

Seinni partinn í gær hélt unglingadeildin litlu jólin sín og er því komin í jólafrí.  Kl 10 í dag hefjast svo litlu jólin við Norðurgötu og Tjarnarstíg, að þeim loknum hefst þeirra jólafrí. Skóli hefst aftur samkvæmt stundatöflu 4. janúar Starfsmenn Grunnskóla Fjallabyggðar óska öllum gleðilegra jóla.

Frá árinu 2004 hefur Scoil Iosaef Naofa í Cobh í Cork á Írlandi verið vinaskóli   Grunnskóla Siglufjarðar og svo nú Grunnskóla Fjallabyggðar. Sameiginlegt verkefni skólanna hefur verið að skoða ferðir jaðrakana milli landanna og svo hafa nemendur fylgst með merkingum og jafnvel tekið þátt í að merkja þá. Nú í ár eiga 4. bekkingar pennavini og fyrsta bréfið er komið frá þeim írsku. Í bréfunum segja þeir frá áhugamálum sínum. Skólarnir eru með sameiginlega heimasíðu þar sem sjá má margt sem hefur verið gert í gegnum tíðina. Hér er hlekkur inn á jaðrakanaverkefnið:http://www.scoiliosaefnaofa.com/Godwit.htm Sjá fleiri myndir neðar

Á dögunum var undankeppnin í Skólahreysti innan skólans, var það hörkuspennandi og skemmtileg keppni og þátttaka var mjög góð. Helstu úrslit urðu þau að Jakob Snær Árnason náði bestum tíma í hraðabrautinni hjá strákunum í 9. og 10. bekk og Eydís Rachel Missen hjá stúlkunum. Í 8. bekk náðu þau Sólrún Anna Ingvarsdóttir og Björgvin Daði Sigurbergsson bestu tímunum. Ekkert gefið eftir í hraðabrautinni

Sl. föstudag bauð Sparisjóður Siglufjarðar nemendum í 1. - 4. bekk uppá leiksýninguna Bjálfansbarnið frá Kómedíuleikhúsinu. Leikritið segir frá nokkrum af jólasveinum Grýlu, sem koma frá Vestfjörðum, og hafa ekki enn fengið að njóta sín í mannheimum. Þeir bera undarleg nöfn s.s. Langleggur, Lækjarræsir, Refur, Froðusleikir og Bjálfansbarnið og hegða sér svolítið sérkennilega eins og bræður þeirra. Hér bregður Langleggur á leik

Í gær heimsótti slökkviliðsstjóri Fjallabyggðar Ámundi Gunnarsson nemendur í 3. bekk og fræddi þau um eldvarnir. Auk fræðslu sýndi Ámundi nemendum hve auðvelt er að kveikja í pappírsmassa og hversu hratt eldur getur breiðst út frá einu kerti. Sjá fleiri myndir neðar

Í kjölfar hinnar góðu gjafar, sem segir frá hér að neðan, og skólinn fékk til að efla skákkennslu í skólanum er sú kennsla hafin í yngri deildinni við Norðurgötu. Sr. Sigurður Ægisson hefur tekið að sér að segja börnunum til og voru þau mjög áhugasöm í fyrstu kennslustund. Sigurður útskýrir mannganginn fyrir börnunum Hér má sjá áhugasamar dömur í 1. bekk