Frístund

Frístund

Aðsetur Frístundar er í húsnæði félagsmiðstöðvarinnar Neon við Suðurgötu á Siglufirði.

Markmið Frístundar

Markmið Frístundar er að skapa öruggt, uppbyggilegt og skemmtilegt umhverfi þar sem börnunum líður vel, þau fái tækifæri til að njóta sín og geta tekið þátt í fjölbreyttu starfi við hæfi.

Í Frístund er lögð áhersla á að tengja saman umönnun, uppeldi og nám og gefa börnunum svigrúm til að eiga góðan tíma eftir skóla. Þar sem dvölin í Frístund er hluti af frítíma barnanna er frjáls leikur, samvera, vinátta og félagsleg samskipti mikilvægur þáttur í starfinu. Jafnframt fá börnin tækifæri til að taka þátt í fjölbreyttu og skapandi frístundastarfi, svo sem íþróttum, listum, útivist og öðrum skipulögðum verkefnum. Markmiðið er að hvert barn finni eitthvað við sitt hæfi og fái tækifæri til að þróa áhuga sína, hæfileika og félagsfærni í jákvæðu og hvetjandi umhverfi.

Frístund

Frístund er í boði fyrir nemendur í 1.–4. bekk og fylgir starfstími þjónustunnar grunnskólaárinu.

Staðfest skráning gildir út allt skólaárið en foreldrar geta breytt dvalartíma fyrir 20. hvers mánaðar á undan. Þar sem skólavistunin er greidd fyrirfram er mikilvægt að þessari tímasetningu sé fylgt. Með því tryggjum við að hægt sé að skipuleggja þjónustuna með hagsmuni barnanna að leiðarljósi.

Umsjónarmaður frístundamála er Karen Sif Róbertsdóttir fristund@fjallabyggd.is

Sími frístundar er

Athugið að breytingar geta orðið á dagskrá frístundar.

Útivera fer fram á lóð grunnskólans eða nærumhverfi. Ef veður er mjög vont þá er frjáls, eða skipulagður leikur inni. Mikilvægt er að börnin séu klædd eftir veðri og hafi aukaföt í skólanum.

Hressing: Ávextir, brauð eða kex með fjölbreyttu áleggi. Mjólk eða vatn til drykkjar.

Frjáls leikur: Börnin velja viðfangsefni inni eða úti eftir veðri.

Gjaldskrá frístundar:

• Gjald fyrir vistun 1 tími á dag (á mán.:) 5.900 kr.
• Hressing: 2.562 kr.
• Mjólkuráskrift (hálft skólaár): 3.052 kr.

Systkinaafsláttur er veittur vegna barna á forræði forráðamanns/manna sem hér segir, að því tilskildu að þau eigi öll lögheimili í Fjallabyggð. − 50 % afsláttur vegna 2. barns. − 75% afsláttur vegna 3. barns. − Ekki er veittur afsláttur af fæðisgjaldi. − Afsláttur er tengdur milli leikskóla og lengdrar viðveru. Yngsta barn greiðir fullt gjald.