Stærðfræðinám í Grunnskóla Fjallabyggðar

Á síðasta ári byrjuðum við í þróunarstarfi í stærðfræði í samstarfi við ráðgjafafyrirtækið Gloppu. Verkefnið stendur yfir í tvö ár og fékk skólinn styrk úr Sprotasjóði og endurmenntunarsjóði sveitafélaga til þessa verkefnis. Verkefnið fjallar um að bæta námssamfélag nemenda og kennara í stærðfræðikennslu með áherslu á samræðu, samvinnu, yrt og opin verkefni.

Það snýst m.a. um að:

  • kennarinn er ekki sá eini sem útskýrir – nemendur leita lausna og útskýra
  • kennarinn hlustar ekki síður en nemendur
  • kennarinn gefur ekki svörin – heldur spyr opinna spurninga.
  • nemendur vinna í litlum hópum að sama viðfangsefni og ræða saman – ekki hver á sinni blaðsíðu í bók
  • við losum okkur við samanburð á getu eftir afköstum og blaðsíðum
  • röng svör eru jafn verðmæt og rétt því með því að taka þau til umræðu skapast möguleiki á auknum skilningi – og að leiðrétta misskilning
  • við nýtum leiðir samvinnunáms/samvirks náms (cooperative learning)

 

Skólaárið 2022 - 2023

Á námsskeiðsdögum í upphafi skólaárs hófum við seinna árið með námskeiði og vinnu undir leiðsögn verkefnastjóranna Dórótheu Reimarsdóttur og Þóru Rósu Geirsdóttur. Margir hafa haft það að orði að skemmtilegra sé að kenna stærðfræði en áður og vonandi upplifa nemendur það sama og þá er takmarkinu náð.

Verkefnin í vetur verða:

  • Hugarreikningur
  • Talna- og aðgerðaskilningur
  • Tengsl reikniaðgerða
  • Mat á skilningi á tugabrotum
  • Algeng einkenni þeirra sem eiga erfitt með stærðfræði

 

Á starfsdegi 28. nóvember fáum við kennara frá Giljaskóla sem fjalla um notkun á upplýsingatækni í stærðfræðikennslu.