Stolin athygli leitar eiganda síns!

Netvís

Miðvikudaginn 26. nóvember verður fyrirlestur fyrir foreldra í Bergi á vegum Netvís, Netöryggismiðstöðvar Íslands. Fyrirlesturinn hefst kl. 16:30 og ber heitið Stolin athygli leitar eiganda síns! og fjallar um hvernig ýmis forrit og öpp sem við notum dags daglega á samfélagsmiðlum eru hönnuð til að grípa athygli okkar, barna og fullorðinna, og halda henni jafnvel tímunum saman. Einnig verða kynnt góð ráð til að fylgjast með skjátíma barna, aldurstakmörk á samfélagsmiðlum og ýmis heilræði til foreldra.