Fréttir

1. og 2. bekkur við Norðurgötu fór í langan göngutúr í morgun út í Bakka. Þar var farið í berjamó og ýmis undur náttúrunnar skoðuð. Veðrið lék við okkur og allir voru duglegir og kátir.

Skólastarfið fer vel af stað nú á haustdögum. Nemendur koma endurnærðir til vinnu og náms eftir gott sumar tilbúnir að takast á við verkefni vetrarins. Skráðir nemendur í upphafi skólaárs eru 206 talsins og er það fækkun um nærri 20 nemendur frá síðasta skólaári.

Skólastarf er byrjað á ný  og börnin okkar komin út í umferðina.  Ástæða er til að benda á nýja gönguleið sem nemendur á Siglufirði fara í hádeginu til að komast í mat. Nú fara nemendur yfir Aðalgötu og Gránugötu til þess að komast í Rauðku. Báðar þessar götur eru mikilvægar umferðaræðar og umferð töluverð um hádegisbil. Við biðjum akandi vegfarendur að fara með gát.     Skólastjóri

Í gær gengu nemendur við Tjarnarstíg hinar ýmsar gönguleiðir um Ólafsfjörð í blíðskaparveðri. Ákveðið var að grípa góða veðrið og flýta fyrir hreystideginum sem vera átti 6. Sept.  1. -4. Bekkur gekk frá Kleifunum inn í Árdal 5. bekkur gekk í Brimnesdalinn 6. bekkur gekk í Burstabrekkudalinn 7. bekkur gekk frá Kleifunum inn í Fossdal Gangan gekk vel í alla staði og veðrið lék við mannskapinn sem skilað sér heim um hádegisbil berjablár með bros á vör.

Skólinn verður settur mánudaginn 26. ágúst sem hér segir.     8.-10. bekkur við Hlíðarveg Siglufirði kl. 10.00 Skólarúta fer frá skólahúsinu við Tjarnarstíg Ólafsfirði kl. 9.40 og til baka eftir skólasetningu kl. 10.30.   1.-4. bekkur við Norðurgötu Siglufirði kl. 11.00   1.-7. bekkur við Tjarnarstíg Ólafsfirði kl. 13.00 Skólarúta fer frá skólahúsinu við Norðurgötu Siglufirði kl. 12.40 og til baka eftir skólasetningu kl. 13.30   Nemendur 1.bekkjar verða boðaðir í viðtöl til umsjónarkennara.   Kennsla hefst samkvæmt stundatöflu þriðjudaginn 27.ágúst n.k.   Með von um góðan og farsælan vetur og gott samstarf.   Skólastjórnendur.

Nú stendur yfir vinna við að skipuleggja næsta skólaár. Skóladagatal næsta vetrar má finna  hér . Eins geta foreldrar nálgast innkaupalista bekkjanna  hér . Við vonum að nemendur og fjölskyldur þeirra hafi það gott í sumarfríinu.  

Skólaslitin fara fram föstudaginn 7. júní á starfsstöðvunum þremur sem hér segir: Kl. 11.00 í íþróttahúsinu Tjarnarstíg fyrir yngri deildina  Ólafsfirði Kl. 13.00 í íþróttasalnum Norðurgötu fyrir yngri deildina Siglufirði Kl. 17. 00 í Siglufjarðarkirkju fyrir unglingadeildina Skólaakstur á skólaslitin 7. júní verða sem hér segir: Kl. 10.35 frá Norðurgötu Siglufirði Kl. 11.40 frá Tjarnarstíg Ólafsfirði Kl. 16.35 frá Tjarnarstíg Ólafsfirði Kl. 18.15 frá Torginu Siglufirði

Undanfarna fjóra daga hafa nemendur 10. bekkjar verið í starfskynningum hjá hinum ýmsu fyrirtækjum og stofnunum í sveitarfélaginu. Nemendur eru við störf tvo daga í senn hjá hverju fyrirtæki, taka þar þátt í daglegum verkefnum og kynnast starfseminni. Nemendum finnst þetta mjög áhugavert og stundum fá nemendur sumarstörf hjá viðkomandi fyrirtæki í kjölfar starfskynningarinnar.

Nemendur eldri deildar héldu árshátíð sína í Tjarnarborg í síðustu viku. Fór hún vel fram og gestir skemmtu sér vel. Matarnefndin útbjó glæsilegan veislumat sem rann ljúft niður og nemendur buðu uppá skemmtiatriði.

Á morgun, fimmtudaginn 23.maí kl. 18.15, verður árshátíð eldri deildar í Tjarnarborg. Á matseðli kvöldsins er hátíðarmatur og ís á eftir. Nemendur í 10.bekk mega taka með sér tvo gesti hver. Foreldrar nemenda í 8.-9. bekk geta keypt sig inn á skemmtiatriðin og sitja þá uppi á svölum. Aðgangseyrir fyrir nemendur og gesti 10.bekkinga er 2000 kr.  Aðgangseyrir á skemmtiatriðin ein og sér (fyrir foreldra 8. og 9.bekkjar) er 1000 kr. Ekki er ætlast til að börn yngri en nemendur á unglingastigi komi á árshátíðina þannig að yngri systkini geta ekki verið gestir 10.bekkinga. Skipulag árshátíðar er með eftirfarandi sniði: kl. 17.45                               Rúta fer frá Torginu Siglufirði kl. 17.45                               Húsið opnar kl. 18.15                               Borðhald hefst kl. 19.30                               Skemmtidagskrá hefst kl. 21.00                               Diskó hefst -  Plötusnúður í boði Neon kl. 22.30                               Diskói lýkur – Rúta til Siglufjarðar