Fréttir

Það var mikið líf og fjör og margt um manninn á stórsýningardegi skólans á Siglufirði. Þar sýndu nemendur eldri deildar skólans og yngri deildarinnar á Siglufirði afrakstur vetrarins.

Föstudaginn 6. maí var haldin hreystidagur í Ólafsfirði. Nemendur fóru í Tarsanleik í salnum, boðhlaup í sundlauginni, tímatöku í vatnsrennibrautinni og ratleik um skólalóðina. Dagurinn tókst vel í alla staði enda veðrið gott og nemendur duglegir að taka þátt í því sem boðið var uppá. Nokkrar myndir af deginum eru komnar inn  hér.

Síðastliðin þriðjudag  kom Bernds Ogrodniks í heimsókn til okkar með nýja íslenska leikverkið Gilitrutt eftir þjóðsögunni um skessuna ógurlegu og bóndakonuna sem vildi sleppa auðveldlega frá skyldum sínum og ábyrgð. Það voru nemendur í 1. - 6. bekk sem sáu sýninguna við góðan fögnuð. Sýningin um Gilitrutt er fjölskyldusýning og er leikverkið mikið sjónarspil. Bernd segir að þessi sýning sé ástaróður sinn til Íslands og má sjá það meðal annars á því stórkostlega listaverki sem leikmyndin er en hún er öll unnin úr þæfðri ull. Einnig eru brúðurnar og annað í verkinu unnið af miklu listfengi.

Það var 11 manna hópur sem lagði af stað úr Fjallabyggð seinni part mánudagsins  4. apríl, ferðinni var heitið austur í Kelduhverfi. Þar átti að veiða í Litluá, daginn eftir.  Hópurinn samanstóð af níu drengjum í 9. bekk Grunnskóla Fjallabyggðar, einum kennara og föður eins drengjanna. Þessir drengir höfðu verið í fluguhnýtinga vali  í skólanum í vetur og hnýtt nokkrar eigin flugur.  Aðeins einn drengjanna hafði áður veitt á flugustöng.  

  Sara, Sólveig, Þórunn og Helena könnuðu hvort merktir jaðrakanar væru á leirunum. Þær sáu enga merkta, en þarna voru um 40 jaðrakanar, lóur, stelkar, hettumáfar og nokkrar andategundir, t.d. hin litskrúðuga straumönd.