Fréttir

Í dag barst skólanum gjöf frá fyrrum nemendum Grunnskóla Siglufjarðar, fæddum 1960. Þeir færðu skólanum Owerlook saumavél.

Í morgun fengu yngri deildir skólans ánægjulega heimsókn. Fjórir ungir og efnilegir harmoníkuleikarar frá Dalvík litu inn á báðar starfsstöðvar ásamt kennara sínum, Ave Tonison, og léku nokkur lög fyrir nemendur. 

Í morgun fór fram lokakeppnin í Upplestrarkeppni 7. bekkjar og þar voru valdir fjórir lesarar og einn til vara til að vera fulltrúar skólans í Stóru upplestrarkeppninni sem fer fram á landsvísu ár hvert en er þó landshlutaskipt.

Fyrir ekki svo löngu síðan heimsótti 6. bekkur á Ólafsfirði verkstæði Sigurjóns Magnússonar. Þar fer aðallega fram smíði á sjúkra- og slökkvibílum. Þar er þó einnig verið að gera við heita potta, báta og ýmislegt annað sem smíðað er úr trefjaplasti. Þess má geta að rúmur helmingur þeirra sjúkrabíla sem eru í notkun á Íslandi í dag voru smíðaðir á Ólafsfirði.  

Síðastliðinn föstudag fór þorrablót eldri deildar fram á Allanum.  Á boðstólum voru veitingar sem nemendur í matreiðsluvali höfðu útbúið; sviðasulta, rófustappa, kartöflumús, rúgbrauð og flatbrauð auk þess sem Allinn bauð uppá grjónagraut og slátur.

Það var aldeilis líf og fjör á skíðasvæðinu á Siglufirði í dag þegar nemendur eldri deildar fjölmenntu þangað á skíðadegi. Veðrið lék við okkur, logn og blíða, og sólskin í Bungunni.

Eineltiskönnun er fastur liður í Olweusaráætluninni gegn einelti og andfélagslegu atferli. Niðurstöður könnunarinnar eru afar mikilvægar því að þær segja til um hvernig nemendur meta aðstöðuna og andrúmsloft skólans. Hvað telja þau að hinir fullorðnu í skólanum geri til að koma í veg fyrir einelti. Hvað munu þau gera ef ég lendi í einelti o.s.frv.

Þann 11.2. var 112 dagurinn þar sem fólk er minnt á mikilvægi þess að huga að slysavörnum, að læra skyndihjálp og ýmislegt fleira sem tengist málaflokknum.